METRO MANILA-Target sa Bureau of Internal Revenue (BIR) nga makakolekta og moabot sa P343.1 bilyones nga excise tax gikan sa nagkadaiyang produkto sunod tuig.
Mas taas kini og 9.6% sa target collection karong tuiga nga P313.08 bilyones.
Ang labing dako nga posibleng koleksiyon gikan sa mga produkto sa tabako, nga gipaabot nga moabot sa P148.93 bilyones katumbas kini sa 43.4% sa programmed excise tax collection sa BIR sunod tuig.
Mas taas og 5.08% ang dul-an sa P149 bilyones kon itandi sa excise tax gikan sa tabako karong tuiga nga anaa lang sa P141.73 bilyones.
Sunod sa mga produkto sa tabako mao ang mga produkto sa alkohol nga gilauman nga makolekta hangtod sa P130.04 bilyon. Ang excise tax gikan sa alkohol katumbas sa 37.9% sa kinatibuk-ang excise collection sunod tuig.
Ang ubang mga produkto nga adunay taas nga excise tax sa sunod tuig mao ang sweetened beverages ug junk food nga adunay P39.28 bilyones nga pagmina gipaabot nga moabot ngadto sa P12.84 bilyones, ug ang automobile industry nga adunay P6.
Ang excise tax maoy usa sa mga dagkong kontribusyon aron makab-ot ang target collection sa BIR.
Sa sunod tuig gipaabot nga mokabat sa P3.23 trilyon ang makolekta sa maong ahensya.
