Pipila ka mga sakop ug opisyal sa Vietnam Coast Guard ang niabot na sa Pilipinas alang sa joint exercise.
Diin sakay sila sa 90-meter ship nga CSB 8002 ug gilangkuban sa 80 ka mga sakop sa coast guard nga pinangulohan ni commander Col. Hoang Quoc Dat.
Sa gikatakdang joint exercise sa duha ka nasud, mopahigayon sila og joint search and rescue drills, fire drills, ug explosion contingency drills.
Ang venue mao ang Manila Bay ug ang kasadpang baybayon sa Northern Philippines nga direkta nga nag-atubang sa West Phil Sea.
Sa pamahayag ni Col. Dat nga ang pagbisita sa Vietnamese CG sa Pilipinas kabahin sa tinguha niini nga mapalig-on ang kooperasyon sa duha.
Matod niya nga kabahin kini sa pagpasiugda sa episyente nga pagbayloay og impormasyon ug koordinasyon sa mga kalihokan sa pagpatuman sa balaod sa kadagatan basi sa internasyonal nga balaod.
Gilauman nga ang maong kolaborasyon kay makatabang sa pagpadayon sa pagpreserba ug pagpanalipod sa seguridad ug kaluwasan sa kadagatan sa maong rehiyon.
Kahinumduman nga ang Vietnam ug Pilipinas maoy duha sa mga nangangkon sa maritime features sa WPS uban sa China ug ubang mga nasod sa Southeast Asia.
Hinuon, nagpabilin ang maayong alyansa sa duha ka nasod diin aduna na silay laing joint maritime exercises kaniadto.
Katapusang higayon nga adunay ‘goodwill engagement’ tali sa duha ka nasud niadtong miaging buwan dihang ang navy forces sa duha adunay mahigalaong sports competition sa Southwest Cay nga giokupar sa Vietnam sa WPS.
