Africa, nagdeklarar sa public health emergency tungod sa pagdaghan sa mga kaso sa monkeypox

Mideklarar ang Africa Centers for Disease Control and Prevention (Africa CDC) sa monkey pox isip usa ka public health emergency sa Africa.

Matod sa grupo, nabalaka sila tungod kay dali pagkatap niini.

Sukad niadtong Enero, nakatala sila og kapin sa 13,700 ka mga kaso diin 450 ang namatay sa Democratic Republic of Congo.

Mikaylap ang maong virus sa daghang nasod sa Africa sama sa Kenya, Rwanda, Burundi ug Central African Republic.

Nipasidaan ang pangulo sa Africa CDC nga si Jean Kaseya nga kung dili kini hatagan ug dinaliang pagtagad lisod kining kontrolahon.

Ang pagdeklara sa usa ka public health emergency makatabang sa mga gobyerno sa pag-coordinate sa ilang pagtubag ug pagdugang sa pag-agos sa mga suplay sa tambal.