NORTH KOREA-Mag-abli pag-usab ang North Korea alang sa mga langyaw nga turista sugod sa Disyembre ning tuiga pagkahuman sa hapit lima ka tuig nga pagsira sukad 2020 aron mapanalipdan ang ilang nasud gikan sa pandemya sa COVID-19.
Base sa Koryo Tours, nga nakabase sa China, nakadawat sila og kumpirmasyon gikan sa ilang lokal nga partner nga opisyal na nga ablihan ang turismo sa Samjiyon ug posibleng sa ubang bahin sa NoKor sa Disyembre.
Ang Samjiyon duol sa bukirong amihanang utlanan sa NoKor sa Tsina.
Kini usa ka ganghaan nga lungsod sa Mt. Paektu, kung diin natawo ang namatay nga Supreme leader nga si King Jong IL, amahan sa kasamtangang lider sa NoKor nga si Kim Jong Un.
Una niini, sa wala pa ang pandemya, limitado ang turismo sa NoKor diin base sa mga tour companies, 5,000 ka western tourists ang mibisita matag tuig.
Anaa sa 20% niini mga turista gikan sa America.
