METRO MANILA-Nagpagawas na ang Korte Suprema og mga guidelines alang sa electronic filing sa mga kaso o pleadings.
Ubos sa bag-ong lagda, ang mga huwes sa trial court dili na molihok sa mga kaso o pleadings kung ang mga electronic nga kopya sa mga dokumento dili una mapasa o ipadala sa korte.
Matod ni Atty. Camille Sue Mae L. Ting, ang bag-ong guidelines giaprobahan sa Korte Suprema aron mapadali ang transisyon ngadto sa electronic filing isip nag-unang pamaagi sa pagpasaka og mga pleading o kaso sa mga korte ubos sa 1st ug 2nd level.
Diin ang ubos sa 1st level, naglakip kini sa municipal trial court (MTC), municipal circuit trial court (MCTC), municipal trial court in cities (MTCC), ug metropolitan trial court (MeTC).
Samtang ang mga regional trial court (RTCs) nagsilbi nga ikaduha nga lebel.
Ang pagpatuman sa bag-ong lagda magsugod na sa Setyembre 1, 2024.
