Daghang grupo sa mga abogado ang midangop sa Korte Suprema aron mangayo og temporaryong pagpahunong sa ‘Impeachment Trial’ batok kang Bise Presidente Sara Duterte.
Diin gipangulohan ni Atty. Israelito Torreon ug mga kaubang abogado, diin ilang gipasaka ang “Very Urgent Manifestation with Motion’ sa Korte Suprema.
Ang mosyon nangayo sa korte nga mo-isyu og Status Quo Ante Order aron mapugngan ang Impeachment Court, ang mga opisyal niini, mga representante, ug tanang personnel sa pagpadayon sa pagdungog, pagdawat og ebidensya, o sa proseso sa ‘impeachment’.
Gusto sa mga petitioner og katin-awan sa miaging petisyon nga nagkuwestiyon sa legalidad sa sesyon nga gipahigayon niadtong Hunyo 3, 2026 nga nag-usab sa liderato sa Senado.
Gihangyo usab sa grupo ang Korte Suprema nga mo-isyu og katugbang nga mando nga nag-ingon nga ang ‘Impechment Trial’ kinahanglan lamang ipadayon kung ang Rules of Procedure gisunod ug ang awtoridad sa ‘presiding officer’ wala giatubang sa ‘wala masulbad nga hagit sa konstitusyon’.
Apan, ilang giklaro nga kini nga mosyon dili mahitungod sa politika kondili mahitungod sa ‘balido’ ug legalidad sa husay o hearing sa ‘impeachment’ ni Bise Presidente Sara Duterte.
