Giinsister sa taas nga opisyal sa Department of Justice nga ang kagamhanan sa Pilipinas dili makadiktar o makaimpluwensya sa posibleng extradition sa Kingdom of Jesus Christ leader nga si Pastor Apollo Quiboloy sa Amerika.
Kini human ang abogado ug tigpamaba sa KOJC nga si Atty. Israelito Torreon nga mag-atubang lang si Pastor Quiboloy sa iyang mga kaso kon mo-issue na gayud si Presidente Ferdinand Marcos Jr. sa usa ka sinuwat nga deklarasyon nga wala’y talagsaong rendisyon ni Quiboloy ngadto sa Amerika.
Sa press conference, si DOJ USec. Raul Vasquez nga usa kini ka legal nga isyu nga kinahanglang tun-an pag-ayo.
Matud usab ni Vasquez nga wala’ y bisan usa sa gobyerno ang makagarantiya sa mga kondisyon nga gilatid sa pastor.
Gihatagan og gibug-aton sa opisyal nga ang Pilipinas nahigot sa extradition treaty uban sa Estados Unidos, busa wala’y opisyal sa gobyerno nga gustong molapas sa balaod.
Samtang, giklaro ni USec. Vasquez nga dili siya gusto nga manguna sa bisan unsang desisyon nga himuon sa mas taas niya bahin sa kahimtang ni Quiboloy.
Apan bisan og mahatag ang hangyo ni Quiboloy, matod niya, dili makiangayon alang sa uban nga nag-atubang og mga kaso sama sa mga kabus.
Kahinumdoman nga gawas sa mga kaso dinhi sa Pilipinas, ang pugante nga pastor aduna usab naglungtad nga warrant of arrest sa Amerika tungod sa kasong may kalambigitan sa sex trafficking, fraud, cash smuggling ug uban pa.
Una nang giakusahan ni Pastor Quiboloy ang gobyerno sa US nga giingong nakigkunsabo sa gobyerno sa Pilipinas ubos ni Presidente Marcos nga nagplano nga i-eliminate siya pinaagi sa talagsaon nga rendition o sekreto nga pagbalhin sa usa ka indibidwal, pagpailalom kaniya sa grabeng interogasyon, torture, o kamatayon nga walay tukmang proseso.
