Nagpagawas og sentimento si kanhi Presidential Spokesperson Atty. Harry Roque kalabot sa mando nga ipadakop siya sa Quad Committee of the House.
Saysay ni Roque sa iyang social media account nga ang inquiry sa Quad Comm usa ka police inquisition batok sa pamilyang Duterte ug kaniya.
Diin klaro nga gipunting niini si kanhi Presidente Rodrigo Duterte sa isyu sa EJK; Davao City 1st District Representative Paolo Duterte ug Atty. Mans Carpio, bana ni Bise Presidente Inday Sara Duterte, sa isyu sa drugas; ug siya sa POGO issue.
Matod ni Roque, sa isyu sa POGO klarong niingon si Cassandra Li Ong nga dili siya abogado sa Lucky South 99, ug ‘end of story’ na unta, apan wala gihapon mohunong ang power tripping sa mga kongresista.
Dugang pa, nga nagsumite siya og mga dokumento nga nagpamatuod nga wala siyay labot sa POGO.
Kung diin, bisan og mo-submit pa siya sa mga rekisitos, mangita gihapon og paagi ang mga kontresista arun mapressure siya.
Sa pagtapos sa iyang post, si Roque niingon nga nakahukom siya nga dili motunga sa QuadCom hangtod nga madala ang maong mga butang ngadto sa Korte Suprema.
Matod niya kontento siya nga iyang maangkon ang hustisya nga angay kaniya ug sa iyang pamilya.
