Usa ka lalake nga nagdako sa kakabos, anak diay sa usa ka milyonaryo

Nasusama sa usa ka salida ang kinabuhi ni Zhang Huaiyuan gikan sa China tungod kay sulod sa 33 ka tuig nga nagdako sa kakabos sa usa ka gamay nga baryo sa probinsya, usa diay ka milyonaryo.

Sa edad nga 17, kinahanglang mo-undang sa pag-eskwela aron makatrabaho ug makatabang sa iyang mga ginikanan.

Apan, sa dihang namatay ang iyang amahan niadtong 2023, gipadayag sa iyang inahan ang usa ka makapakurat nga anunsyo diin dili sila ang iyang tinuod nga mga ginikanan.

Ug anak diay siya og milyonaryo nga mga negosyante!

Pinaagi sa tabang sa kapulisan, nakit-a ni Zhang ang iyang tinuod nga pamilya.

Luha ug gakos ang nisugat kang Zhang sa unang higayon nga nitunol usab kaniya ang iyang amahan og bank card nga 1.2 milyones yuan o kapin sa P9.5 milyones.