Dul-an sa 3,000 ka miyembro sa Hezbollah ug mga paramedic ang nasamdan human ang mga pager nga ilang gigamit sa pagpakigsulti dungan nga mibuto.
Basi sa imbestigasyon sa militanteng grupo sa Lebanese nga gipaluyohan sa Iran nga Hezbollah, nga adunay “nag-hack” sa ilang pager device sa lungsod sa All Al-Nahrl ug Riyaq.
Diin ang mga pager sa mga miyembro sa Hezbollah giingong dungan nga nawala.
Ang nasamdan nga mga miyembro sa Hezbollah gidala sa lainlaing mga ospital.
Giisip sa mga opisyal sa Hezbollah nga kini ang labing dako nga paglapas sa seguridad sukad nga nagsugod ang gubat sa Gaza.
Wala pa mokomentaryo ang Israel sa nahitabo diin ilang gipahimangnoan ang Hezbollah nga molusad sila og dakong operasyon aron papahawaon ang mga militanteng grupo sa utlanan.
