CEBU CITY- Temporaryong gipahunong sa Office of the Building Official o kon OBO ang trabaho sa edipisyo diin natagak-patay gikan sa ika-17 ka andana ang usa ka lalaking pintor.
Matud ni Architect Florante Catalan, ang pangu sa Office of the Building Official nga una nilang gi-serve ang notice of violation sa edipisyo ug gisunod dayon ang temporary suspension sa trabaho sa building diin natagak ang lalaki ug misangpot sa iyang kamatayon.
Hinuon, makabalik lang sila sa trabaho kon makasumiter na nila ang gipangayo sa OBO sama sa incident report ug ubang dokumento nga mipasalig nga dili na mausab ng susamang panghitabo.
Ingon man nga mipasalig kini nga dili na mausab, apan kon gani dili kini makasumiter mamahimong dili malibkas ang suspenso.
Atol sa pakighinabi sa Bombo Radyo Cebu kang Catalan, gipaambit usab niini nga andam ug mipasalig ang tag-iya sa building ngadto sa pamilya nga moabaga sa mga bayrunon sa biktima.
Giklaro usab sa OBO nga atol sa ilang pagsusi sa building kay nakatuman man hinuon sa katukuran sa maong edipisyo.
Ingon man nga gibutyag sa developer ug kontraktor nga nagsul-ob og protective harness ang biktima, apan posibleng nalangkat ang pisi nga gikaw-itan, diin wala kini nabutang sa proper o angayang kaw-itan.
