Gikatahong labing menos 274 ka mga tawo ang natala nga napatay sa Lebanon human sa makamatay nga pag-atake sa Israel nga nagpunting sa gatusan ka mga Hezbollah.
Human sa pipila sa labing bug-at nga cross-border exchanges sa mga panagsangka, una ng mipahimangno ang Israel sa mga tawo sa Lebanon sa pagbakwit sa mga dapit diin giingon nga ang armadong kalihukan nagtipig og mga hinagiban.
Human sa hapit usa ka tuig nga gubat batok sa Hamas sa Gaza sa habagatang utlanan niini, gibalhin sa Israel ang ilang pokus sa amihanang utlanan, diin ang Hezbollah nagpabuto og mga rocket sa Israel agi’g suporta sa kaalyado nga Hamas.
Ug ang pag-atake niini gahapon kay nakapatay og 274 ka mga tawo, lakip ang 21 ka mga bata ug 39 nga mga babaye, ug anaa sa 1,024 ang nasamdan sa Israeli strike.
Matud ni Prime Minister Benjamin Netanyahu nga ang Israel nag-atubang sa “komplikado nga mga adlaw” samtang gipadako niini ang mga pag-atake sa habagatang Lebanon ug nanawagan sa mga Israeli nga magpabilin nga nagkahiusa samtang nagpadayon ang kampanya.
Gisaad usab niini nga usbon ang balance sa ilang seguridad, ang balanse sa gahum sa amihanan diin mao kini ang ilang gibuhat.
