Gikumpirmar sa militanteng grupo nga gipatay sa militar sa Israel ang lider sa Hezbollah nga si Hassan Nasrallah sa usa ka airstrike niadtong adlaw nga Biyernes sa Beirut, Lebanon.
Gipunting sa mga fighter jet sa Israel ang headquarters sa militanteng grupo, nga nahimutang sa usa ka lugar sa habagatang suburb.
Diin nailhan nga Dahiyeh, sumala sa militar sa Israel.
Ang Israel Defense Forces (IDF) miingon nga si Nasrallah naglihok gikan sa headquarters ug nagpasiugda sa mga kalihokan sa terorista batok sa mga lungsuranon sa Estado sa Israel.
Gihulagway sa Hezbollah si Nasrallah nga usa ka “sagrado nga martir” ug misaad nga ipadayon ang pagpakig-away niini batok sa Israel.
Gidugang usab sa grupo nga ang lider gipatay human sa usa ka maluibon nga Zionist airstrike sa habagatang suburb.
