PBBM nakatutok sa epekto sa Bagyong Julian, mipasalig og tabang sa mga nanginahanglan

Hugot nga gibantayan ni Presidente Ferdinand Marcos Jr., ang sitwasyon ug epekto sa Bagyong Julian diin miigo kini sa pipila ka lugar sa amihanang Luzon.

Matud sa Presidente nga giandam na ang pag-apod-apod sa hinabang alang sa mga apektado pag-ayo sa bagyo.

Gisaysay usab ni Marcos nga gikatakda unta siyang mobisita sa Ilocos apan tungod sa dili maayo ang panahon uban sa kusog nga ulan, wala kini mahinayon.

Subay niini, nanawagan kini sa publiko nga magmabinantayon ilabina sa mga lugar nga maagian sa bagyo tungod kay gilauman pa kini nga mokusog ang bagyo.

Gipasalig sa Presidente nga ang tanang hingtungdang ahensya nakatutok sa pagtubag sa mga panginahanglanon.