Naka-heightened alert ang Taiwan human namatikdan ang multiple waves sa missile firings sa China.
Matud sa Defense Ministry sa Taiwan, namatikdan niini ang missile firing sa Rocket Force ug kasundalohan sa China sa mga probinsya ug rehiyon sa Inner Mongolia, Gansu, Qinghai ug Xinjiang sukad niadtong adlaw nga Sabado.
Ang mga pagpabuto nga gilusad sa China pipila lang ka adlaw human kini nagpahigayon og test-launch sa intercontinental ballistic missile niadtong miaging semana sa Pacific Ocean.
Nakakuha kini og pagsaway gikan sa ubang mga nasud sa rehiyon ug maoy hinungdan nga hugot usab nga gikondenar sa Taiwan ang aksyon sa China.
Giawhag usab ang Beijing nga magpugong ug hunongon ang walay puas nga military drills nga nagpakusog sa tensyon sa rehiyon.
