Hugot nga gibantayan sa Manila Economic and Cultural Office o kon MECO ang sitwasyon sa mga Filipino sa Taiwan
samtang ang Super Typhoon Julian, nga adunay internasyonal nga pangalan nga “Krathon”, nag-anam-anam na og sulod sa nasud human mihapak sa pipila ka bahin sa amihanang Pilipinas.
Matud ni MECO Chairperson Cheloy Garafil nga kasamtangang wala pa’y mga natalang insidente nga naglambigit ni bisan kinsang Pilipino sa Taiwan tungod kay ang pagpabot sa kusog nga pag-uwan ug storm surge maoy hinungdan sa panic buying ug pagpabakwit sa gatusan sa mga huyang nga dapit sa isla.
Apan, nagpadayon gihapon ang MECO sa pagmonitor sa sitwasyon sa kapin 150,000 ka mga Pilipino nga trabahante ug mga migrante samtang ang bagyong Julian mikusokuso sa Taiwan.
Subay niini, gitambagan sa buhatan ang Filipino community organizations nga makig-alayon sa pinakaduol nga MECO offices alang sa bisan unsang contingency nga nagkinahanglan ug hinanaling pagtagad, ug mosunod sa advisory sa Taiwanese authorities alang sa ilang kaluwasan ug kaayohan sa panahon sa bagyo.
