Gilauman sa Bureau of Immigration (BI) nga masulbad na karong Oktubre ang kaso sa deportasyon batok kang Shiela Guo.
Matod ni BI Board of Special Inquiry (BSI) Chairman Gulberto U. Repizo, nga sa higayon nga madawat na sa bureau ang position paper gikan sa mga abogado ni Sheila, diin posibleng masulbad na nila ang kaso sulod sa 15 ka adlaw.
Nauna nang gihimo ang clarificatory hearing kalabot sa kaso ni Shiela nga gitambongan sa respondent kinsang anaa karon sa kustodiya sa National Bureau of Investigation sa pagsumiter sa iyang position paper.
Ingon man nga kon aduna nay findings ug rekomendasyon, kini isumiter sa Board sa Board of Commissioners nga gilangkuban ni BI Chief Joel Viado ug Deputy Commissioners aron maporma ang usa ka pinal nga desisyon.
Bisan og gimando ang pagpa-deport ni Guo, ang BI unang niingon nga ma-deport lang si Shiela kung adunay resolusyon sa tanang pending criminal cases nga ipasaka batok kaniya ug kung mahuman na ang tanan niyang responsibilidad sa nasud.
Kahinumduman nga unang gipasakaan sa BI si Sheila og undesirable alien ug misrepresentation isip Filipino human nasuta nga aduna kini Chinese passport nga adunay pangalan nga Zhang Mier.
