Gikatahong napatay ang posibleng successor ug ig-agaw ni gipatay nga Hezbollah nga lider nga si Hassan Nasrallah nga si Hashem Safieddine taliwala sa nagkakusog nga pag-atake sa Israel.
Diin nagpunting sa mga militanteng Hezbollah sa Lebanon sa usa sa mga air strike nga gilusad sa Israel sa Beirut niadtong milabay nga adlaw.
Apan walay opisyal nga kumpirmasyon gikan sa kampo sa Hezbollah.
Si Hashem ang una nga naluwas sa pag-atake sa Israel sa Beirut nga nakapatay kang Nasrallah.
Ang giingong successor ni Nasrallah mao ang nagdumala sa politikanhong mga kalihokan sa Hezbollah ug usa sa mga senior leaders sa grupo nga adunay posisyon sa Jihad Council nga nagdumala sa mga operasyon militar sa grupo.
Ingon man nga gideklarar si Hashem nga terorista sa America niadtong 2017.
