ELLIS COUNTY, TEXAS- Mi-viral karon ang video sa usa ka lalake sa Ellis County, Texas nga mipalit og gitara nga adunay autograph ni Taylor Swift sa usa ka ‘auction’ arun dugmukon kini gamit ang martilyo.
Ang gitara nagkantidad og US$4,000 o anaa sa P225,784.
Gihimo ang subasta niadtong Setyembre 30, 2024, sa Ellis County Wild Game Dinner, usa ka non-profit nga kalihokan nga nagsuporta sa agricultural education alang sa local youths.
Ang Taylor Swift-signed guitar nga adunay certificate of authenticity nga nagpamatuod nga gikan sa song writer and singer ang maong gitara.
Sa usa ka video nga gi-upload sa social media makita nga gikuha sa lalaki ang gitara, dayon gidukdok kini gamit ang martilyo.
Ihapak na unta niya ang gitara sa salog, apan gipugngan siya sa tagdumala sa kalihokan.
Sukad nag-viral ang video, nikatap ang espekulasyon nga gihimo kini sa lalaki isip protesta sa pag-endorso ni Taylor Swift kang US Vice President Kamala Harris alang sa election.
