CEBU CITY- Gipahinumdoman ni Police Regional Office Central Visayas (PRO-7) director Police Brigadier General Anthony Aberin ang kapulisan sa Central Visayas sa pagbalik sa sukaranan sa ilang katungdanan isip mga tigpatuman sa balaod kini atol sa iyang pagbisita sa Cebu City Police Office karung adlawa Biyernes, Oktubre 11, 2024.
Matud pa ni Aberin, nga dili siya motugot sa bisan unsang malapasong binuhatan sa iyahang mga personnel.
Kini may kalabotan sa giingong pagpangdagmal sa duha ka polis sa dakbayan sa Lapu-Lapu, Cebu, batok sa usa ka tinun-an sa kriminolohiya niadtong Biyernes, Oktubre 4.
Una niini, mibisita ang opisyal sa Cebu City Police Office (CCPO) ug mainiton nga gidawat sa mga personahe sa CCPO, ubos sa pagpangulo ni PCOL ANTONIETTO YBAÑEZ CAÑETE, City Director.
Ang engagement nagpasiugda sa padayon nga pasalig sa kapulisan sa pagtuman sa balaod ug pagsiguro sa kaluwasan sa publiko sa dakbayan sa Sugbo.
Isip kabahin sa programa, si PBGEN ABERIN nakigsulti sa mga tropa sa usa ka makapadasig nga pakigpulong ug gipasiugda ang kamahinungdanon sa pag-obserbar sa mga sukaranan sa trabaho sa pulisya ug pagpadayon sa usa ka mabinantayon nga baruganan samtang nag-duty.
Gihatagan niini og ibiug-aton nga kinahanlan sa tanang opisyal nga hanas sa mga balaod ug probisyon nga detalyado sa Police Operation Procedure Manual.
Gipahinumdoman niya ang pwersa sa kapulisan nga ang pagsabot niini nga mga pamaagi maoy sukaranan sa ilang tahas ug makapauswag pag-ayo sa ilang pagka-epektibo sa natad sa ilahang trabaho.(CCPO)
