Gihisgutan sa Department of the Interior and Local Government ug Department of Justice sa mga panalipod nga may kalabotan sa mga leakage sa mga e-warrant sa mga operasyon sa mga ahensya nga nagpatuman sa balaod.
Sa maong tigom, giduol ni DILG Secretary Jonvic Remulla ang iyang igsuon nga si Justice Sec. Jesus Crispin Remulla nunot sa mga problema nga nasinati sa National Bureau of Investigation ug sa Philippine National Police.
Matod sa hepe sa DILG, ang information technology sa DOJ ug DILG naghiusa aron adunay mga panalipod sa e-warrants aron masiguro nga ang mga law enforcement divisions sa NBI ug PNP dili magkabangga sa interoperability.
Ang opisyal usab miingon nga ang pagpatuman sa sistema nga adunay 6 ka oras nga embargo makatabang sa pagsulbad sa problema sa e-warrant leakages.
Wala gitumbok sa kalihim ang mga partikular nga kaso diin na-leak ang warrant of arrest, apan giinsister sa kadagkoan sa DILG nga daghang kaso ang naapektuhan, hinungdan nga matud niya adunay kagubot tungod sa pag-leak sa warrant of arrest.
Gitumbok usab niini nga ilang nag-unang prayoridad mao ang pagpugong sa warrant leaks nga mahitabo pag-usab.
Nitumaw ang isyu sa warrant leaks sa kataas sa bag-o nga mga raid sa mga otoridad sa mga pasilidad sa mga illegal POGO, apil na ang pag-raid o raid sa POGO hub Lucky South 99 sa Porac Pampanga diin 158 lang ang nasikop, layo sa gipaabot nga kapin 1,000 nga dakpon sa PAOCC, tungod kay nigawas kuno ang impormasyon kalabot sa maong operasyon.
Niadtong Hunyo usab, si Senador Sherwin Gatchalian niingon nga posibleng adunay mga insider ang mga sindikato sulod sa law enforcement agencies ug ang hudikatura nga nihatag og tip sa mga nalambigit sa POGO.
