Hingpit na nga nahimong balaod ang sugyot sa paghunong sa paggamit sa mother tongue isip pinulongan sa pagtudlo sa Kindergarten hangtod sa ikatulong ang-ang.
Kini human nag-lapse ang maong sugyot ngadto sa balaod tungod kay wala pirmahi ni Presidente Ferdinand Marcos Jr., 30 ka adlaw human kini nadawat sa iyang buhatan.
Ubos sa bag-ong balaod o ang Republic Act 12027 o Act Discontinuing the Use of Mother Tongue as Medium of Instruction, ang lengguwahe sa pagtudlo ibalik sa Filipino ug English samtang ang lumad nga pinulongan magsilbing auxiliary media of instruction.
Gipahayag sa Seksyon 2 sa balaod, ang mother tongue-based nga multilingguwal nga edukasyon mahimong magamit sa monolingual nga mga klase nga adunay pipila ka mga kinahanglanon, sama sa monolingual class kay kinahanglan nga gilangkuban sa mga estudyante nga adunay parehas nga lumad nga pinulongan ug na-enrol sa parehas nga lebel sa grado sa maong school year.
Ang Department of Education sa konsultasyon sa Komisyon sa Wikang Filipino (KWF) kinahanglang maghimo ug polisiya sa pagmapa sa pinulongan sulod sa usa ka tuig gikan sa petsa nga epektibo ang balaod.
