Nagpadala ang Taiwan og katugbang nga pwersa isip tubag sa gilunsad nga war games sa China sa palibot sa isla.
Sa usa ka pahayag, gikondenar sa Taiwanese Defense Ministry ang dili makatarunganon ug provocative nga pamatasan sa China ug giingon nga nagpadala sila sa ilang mga pwersa aron panalipdan ang ilang kagawasan ug demokrasya ug depensahan ang soberanya sa Taiwan.
Gitaho sa Taiwan nga nakamatikod kini sa usa ka grupo sa Chinese aircraft carrier sa habagatang bahin sa isla sa Bashi Channel, usa ka agianan nga nagbuwag sa isla gikan sa Pilipinas ug daw nagpaingpn sa kasadpang Pasipiko.
Ang ingon nga lakang sa Beijing nahitabo pipila ka adlaw pagkahuman gipasidan-an sa Kalihim sa Estado sa US nga si Antony Blinken ang China sa mga aksyon niini agi’g tubag sa mga pahayag nga gihimo ni Presidente Lai Ching Te sa Taiwan nga misaad nga supakon ang annexation sa isla sa iyang pakigpulong sa ika-113 nga National Day sa Taiwan.
Ingon man nga unang nipasidaan ang China posibleng moresulta og disaster sa katawhan sa Taiwan ang mga probokasyon ni Pres. Lai.
