Plano sa Philippine National Police (PNP) nga ablihan ang Criminal Investigation and Detection Group (CIDG) sa pipila ka mga opisyal nga napatay sa war on drugs ni kanhi Presidente Rodrigo Duterte.
Kini nunot sa gibutyag ni kanhi Philippine Charity Sweepstakes Office (PCSO) chief Royina Garma ngadto sa Quad Committee of the House nga usa ka aktibong polis ang nalambigit sa pagpatay kang Tanauan City Mayor Antonio Halili.
Ang mayor giingong gipusil sa usa ka sniper niadtong Hulyo 2018 atol sa flag raising ceremony.
Matud pa ni Garma nga usa ka “Albotra” ang mitug-an kaniya ug gani gipanghambog pa kini.
Matud ni PNP Spokesperson PBGen Jean Fajardo nga usa ra ang kaso ni Halili ang giablihan gawas sa daghang kaso sa mga opisyal sa gobyerno nga nalambigit sa war on drugs.
