CENTRAL VISAYAS-Gihangop sa Department of Education-Central Visayas ang pagpahunong sa paggamit sa mother tongue isip medium instruction gikan sa kinder hangtud sa grade 3.
Matud ni DepEd-7 regional director Salustiano Jimenez nga iyang namatikdan nga ang kadaghan sa Sinugbuanong Binisaya nga mga diyalekto sa tibuok rehiyon adunay komplikado nga mga paningkamot sa pag-standardize sa mga materyales sa edukasyon.
Gipasabot ni Jimenez nga ang Central Visayas adunay labing menos 11 ka lain-laing mga variation sa Sinugbuanong Binisaya, nga halos imposible ang paghimo og usa ka textbook nga masabtan sa tanang bahin sa rehiyon.
Gitataw niini nga ang mga pulong nga gigamit sa Cebu, pananglitan, mahimong adunay lahi nga kahulugan sa Negros Oriental o sa Bohol.
Hinungdan nga iya kining gilantaw isip maayong lakang hilabi na sa Rehiyon 7.
Gihatagan niya og gibug-aton nga bisan pa sa wala pa hingpit nga pagpatuman sa balaod, ang rehiyon nagsugod na sa pagbalhin sa paggamit sa Filipino ug English isip panguna nga mga pinulongan sa pagtudlo sa mga estudyante gikan sa Kindergarten hangtod sa Grade 3.
Kini nga pagbalhin nahitabo human sa bag-o nga pagpatuman sa Republic Act (RA) No. 12027, nga opisyal nga gihunong ang paggamit sa mga lumad nga pinulongan isip panguna nga medium sa pagtudlo sa mga estudyante.
