Mopahigayon og kaugalingong ‘motu proprio investigation’ si Senador Ronald “Bato” dela Rosa nga may kalabot sa extrajudicial killings sa war on drugs sa miaging administrasyon.
Matud pa nga mao kini ang nahimong hukom ni Dela Rosa subay sa pamahayag ni Senator Bong Go nga mosang-at og resolusyon nga maglusad og imbestigasyon nga muatbang sa House quad committee.
Asoy ni Dela Rosa nga si kanhi President Rodrigo Duterte maoy usa sa ilang resource person ug uban pang myembro kaniadto sa Cabinet.
Ingon man nga masaligon ang kanhi Senador nga motambong ang kanhi Presidenti sa paralled imbestigasyon sa upper chamber.
Subay kini sa pamahayag ni Retired Lt. Col. Royina Garma atol sa QuadComm hearing nga nagbutyag nga gipaimplementar ni Duterte ang “Davao model” sa war on drugs sa national scale.
Gikumpisal usab niini nga adunay reward ang mga polis nga makapatay og drug suspect baylo sa P50,000 hangtod P1 million.
