CEBU CITY-Mainitong gisugat sa mga sakop sa Philippine Navy ang French Navy Ship nga FNS PRAIRIAL (F731) sa Arrival Ceremony niini sa pagdunggo didto sa Pier 5 sa Cebu Port Authority sa dakbayan sa Sugbo kagahapong adlawa sa Biyernes, Oktubre 25, 2024.
Luwas rang nakaabot sa Pier 5 ang maong langyaw nga barko sa mga Pranses (French) taliwala sa bating lakat sa panahon nga nasinati sa nasud sa nakalabay nga mga adlaw.
Gisugat kini sila sa mga sakop sa Naval Forces Central sa ilang mga opisyales ug mga Enlisted Personnels nga gipangulohan ni Capt Aldrin B. Doctor PN, ang Commander sa Naval Task Force 50.
Mihatag og courtesy call si Commander Alexis Gollnisch FN, ang Commanding Officer sa FNS PRAIRIAL (F731) ngadto kang Commodore Florante Gagua PN, ang Commander sa Naval Forces Central.
Pipila sa mga aktibidad ng agipasundayag niini mao ang Team Lunch sa barko sa French delegation, Goodwill Game sa duwa nga basketball tali sa Philippine Navy ug French counterparts, security briefing, ug traditional guest book signing sa Executive Session sa the Hall of Flags of NFC Headquarters.
Nagtumong ang maong panagtagbo sa pagpalig-on sa bilateral relationship tali saduha ka nasud ug camaraderie sa kaalyadong hukbong pandagat.
