CENTRAL VISAYAS-Gibutyag sa National Bureau of Investigation – Central Visayas (NBI-7) nga miabot sa upat kabuok nga mga lehitimong sumbong ang ilang nadawat sa mga gidudahang POGO-like activities sa tibuok Central Visayas.
Kini ang gipa-ambit ni NBI-7 Regional Director Atty. Rennan Augustus Oliva kun diin ila nang gitiktikan sa imbestigasyon aron ma-verify ang lehitimong mga sumbong.
Matod pa nga kadaghanan sa ilang sumbong kay mga establisyemento sa patigayon diri sa islang-probinsya sa Sugbo.
Ila kini karong gipaningkamotang pagmonitor lakip na sa legalidad sa maong patigayon kung nalambigit ba kini sa illegal nga POGO.
Posibling konektado kini sa illegal nga operasyon sa pasugalan nga susamang naronda sa ahensya sa dakbayan sa Lapu-Lapu niadtong buwan sa Agosto ug karong buwana sa lungsod sa Moalboal diin gatosan ka mga langyaw nga wlaay tukmang dokumento ang nasikop.
Nakig-alayon na ang NBI-7 sa Bureau of Immigration aron sa kalamboan sa mga langyaw nga nasikop sa Lapu-Lapu ug Moalboal nga gilantawawng posibling may koneksyon pa sa mga nagtago-tago karon sa operasyon sa POGO sa rehiyon.
