CEBU CITY-Giduso ni Jundel Bontuyan ang pag-disqualify sa kandidatura ni dismissed Cebu City Mayor Mike Rama ngadto sa COMELEC, gahapong adlawa, Oktubre 30, 2024.
Diin gikuhaan og basi sa petitioner ang Section 40 sa Local Government Code nga nag-disqualify sa pagdagan sa bisan unsang lokal nga elective position niadtong natangtang sa katungdanan tungod sa usa ka administratibong kaso; ikaduha, usa ka Desisyon sa buhatan sa Ombudsman sa mga administratibong kaso nga ipatuman ingon nga usa ka butang sa kurso; ug ang ikatulo mao ang Comelec kay adunay katungdanan sa ‘motu proprio bar’ gikan sa pagdagan sa katungdanan sa publiko kadtong nag-antos sa perpetual disqualification sa paghupot sa katungdanan sa publiko.
Sa pakighinabi sa Bombo Radyo Cebu kang Jundel Bontuyan, ang niduso sa petition diin gipaambit niya nga mahatagan og saktong alternatibo nga mapili aron modala sa dakbayan sa Sugbo.
Gumikan, nabalaka kini nga dili tataw ang desisyon sa Ombudsman nga basin mosangpot sa kausik sa boto sa mga Sugboanon nunot sa pagluwat og TOR nga nakatugot nga malakip sa lista ang iyang pangalan bisan paman nga gitaktak na kini ug nag-atubang og kasong nepotismo.
Hinungdan nga gusto sa petitioner nga ma-disqualify si Rama uban sa pagkanselar sa iyang Certificate of Candidacy (COC) ug pagpapas sa iyang pangalan sa pag-imprenta sa balota.
