Nakuhaan og video sa usa ka netizen ang aktor nga si John Estrada kauban ang usa ka babaye sa usa ka bar.
Gi-upload sa netizen ang Reel sa Facebook niadtong, Nobyembre 1.
Kini aduna nay 3.1 milyon views.
Ang unang bahin sa video nagpakita kang John nga nagkupot sa iyang bukton sa usa ka wala mailhing babaye samtang sila mibiya sa bar.
Sa usa ka bahin, makita sila nga nagpahayahay lang sa sulod samtang nagtan-aw sa ilang mga cellphone.
Dili klaro kung kanus-a gikuha ang video o kung kini bag-o pa.
Walay nakaila kon kinsa ang babaye nga kauban ni John.
Nagsugod ang tsismis nga si John ug ang iyang asawa nga si Priscilla Meirelles nga adunay problema human ang komento sa Brazilian beauty queen sa usa ka post sa Instagram ni John kaniadtong Hulyo 14 nga nahimong init nga hisgutanan online.
