Miapelar si Senador Ronald “Bato” Dela Rosa sa Senado nga ibalik ang P10 bilyones nga pundo nga gikabhangan alang sa Revised Armed Forces of the Philippines (AFP) Modernization Program alang sa sunod tuig.
Gihimo kini ni Dela Rosa atol sa plenary deliberation sa Senado sa gisugyot nga P6.352-trillion national budget bill.
Kon itandi ang National Expenditure Program (NEP) ug ang General Appropriations Bill (GAB) nga giaprobahan sa Ubos Balay Balauranan, si dela Rosa nikasubo sa pag-us-os sa House of Representatives sa P50 bilyones nga proposal sa Executive Department alang sa Revised AFP Modernization Program ngadto sa P40 bilyones.
Ang mga kausaban nga gihimo sa Kamara giaprobahan sa Senate finance committee sa committee report sa budget bill.
Gihatagan og gibug-aton sa kanhi hepe sa PNP nga ang unang linya sa depensa sa nasud dili angay nga maglikay o modagan bisan kanus-a adunay pag-atake.
Mao nga ni-apelar si dela Rosa nga ibalik ang mga nausik nga pundo nga gipaila sa House of Representatives aron mapausbaw ang moral sa mga tropa sa nasud.
