NUEVA VIZCAYA- Pito ka mga sakop sa pamilyang Celo, lakip ang usa ka otso anyos nga bata, ang namatay dihang naigo sa landslide ang ilang panimalay sa Ambaguio, Nueva Vizcaya, samtang ang Bagyong Pepito mikusokuso sa maong dapit.
Si Ambaguio Police Chief PMaj Elmo Lorenzo nikompirmar nga ang mga biktima sakop sa usa ka pamilya nga nagpuyo sa kilid sa bukid sa Sitio Hukhukyong, Brgy. Labang.
Lakip sa nangamatay mao ang otso anyos nga bata ug laing lima ka menor de edad nga nagpangidaron og 12 ngadto sa 18.
Samtang ang Tulo pa, lakip ang amahan, usa ka konsehal sa barangay, iyang asawa, ug upat ka tuig nilang anak, luwas apan, nangaangol.
Gitino ni PMaj Lorenzo nga gitambagan sa mga lokal nga awtoridad ang pamilya nga mobakwit, apan gipili nila nga magpabilin, nagtuo nga ang ilang balay naa sa luwas nga lokasyon.
Ang saturated nga yuta maoy hinungdan sa dakong pagdahili sa yuta nga milubong sa ilang balay samtang nangatulog ang pamilya.
Dugang pa, nga ang pagdahili sa yuta wala direkta nga niigo sa ilahang balay apan milayat gikan sa ibabaw nga bahin sa bukid, milabang sa usa ka karsada una naigo ang balay nga gama sa semento, kahoy, ug metal nga atop.
Ang mga rescue team nag-atubang og mga kalisud sa pag-access sa site, nga nagkinahanglan og 15-minutos nga biyahe gikan sa sentro sa lungsod, gisundan sa duha ka oras nga paglakaw tungod sa nabara nga mga dalan tungod sa dugang nga pagdahili sa yuta.
Matud ni Ambaguio MDRRM Officer Kevin Mariano, nga namatikdan nila nga ang daghang mga pagdahili sa yuta maoy nakalangan sa mga operasyon sa pagluwas, nga nag-aghat sa mga silingan sa pagtabang sa pagkuha sa mga lawas hangtod nga moabut ang mga rescuer.
Ang mga naangol gidala sa Region 2 Trauma and Medical Center.
Upat ka mga pagdahili sa yuta ang nakababag sa rota paingon sa sityo, hinungdan nga dili na makaagi ang mga sakyanan.
Gihatagan og gibug-aton sa mga awtoridad nga ang mga residente kinahanglan nga mamati sa mga pasidaan sa pagbakwit aron malikayan ang susamang mga trahedya.
Ang Department of Social Welfare and Development nisaad og tabang sa mga pamilya sa mga biktima, ug gitakda karong adlawa ang paglubong sa namatay.
