Gipahayag ni Commission on Elections (COMELEC) Chairman George Erwin Garcia nga ang Law Department sa komisyon nagsugod na og polisiya alang sa Anti-Discrimination sa umaabot nga campaign period.
Mahinungdanon kini aron usab pahinumdoman ang mga kandidato sa ilang pagpangampanya nga dili insultohon ang mga tawo base sa ilang gender o status sa kinabuhi ug ingon man insulto ni bisan kinsa.
Dugang pa niya nga ang nasangpit nga polisiya alang sa pagkaparehas sa tanang katawhan sa umaabot nga piniliay.
Gipaambit usab kini ni Garcia atol sa pagpirma sa Memorandum of Agreement tali sa komisyon ug sa The Philippine Anti-Discrimination Alliance of Youth Leaders (PANTAY Inc.)
Samtang, nihangyo usab ang opisyal nga mas daghang organisasyon, sama sa PANTAY Inc., ang mokooperar sa komisyon aron lain-laing mga panglantaw ang makita alang sa pagpangandam sa 2025 Election.
