Nakatilaw og bug-at nga kapildihan ang Phoenix Super LPG sa mga kamot sa Meralco Bolts, sa iskor nga 111-109 sa nagpadayon nga PBA 49th Season Commissioner’s Cup.
Si Akil Mitchell maoy yawe sa kadaugan sa Bolts dihang naigo niya ang floater sa nahabiling 1.3 segundos sa duwa nga gipahigayon sa Ninoy Aquino Stadium.
Sa sinugdanan, ang Phoenix maoy naggunit sa bintaha diin niabot kini og 23 puntos apan tungod sa floater ni Mitchell, nadala niya ang ilang unang daog.
Kini usab ang ikaduhang sunod-sunod nga kapildihan sa Phoenix diin ilang natabla ang duwa sa 109-all pinaagi sa lay-up ni Donovan Smith sa nahabiling 16 segundos sa duwa.
Giangkon ni Meralco coach Luigi Trillo nga kanunay siyang mokonsulta sa iyang aktibong consultant nga si Nenad Vucinic aron modaog sa duwa.
Gipangulohan ni Micthell ang kadaugan pinaagi sa iyang 27 puntos, 13 ka rebounds, tulo ka assists ug unom ka steals samtang si Chris Newsome adunay 23 puntos, Aaron Black adunay 15 puntos ug Bong Quinto adunay 14 puntos alang sa Bolts.
