CEBU CITY-Maglusad og operasyon sa umaabot adlaw nga Huwebes, Disyembre 5, 2024 ang buhatan sa Cebu City Transportation Office (CCTO) batok sa mga bora-bora nga mga tambutso sa motorsiklo o improvised motorcycle exhaust pipes.
Kini ang gibutag ni Raquel Arce, ang pangu sa CCTO sa eksklusibong pkighinabi nii sa Bombo Newsteam.
Matod ni Arce nga ang maong operasyon kay hinuusang paglusad inubanan sa mga sakop sa Land Transportation Office (LTO) ug Philippine National Police – Traffic Enforcement Unit (PNP-TEU) nga pangulohan sa iyang buhatan.
Nunot kini sa mga reklamo sa mga lumulupyo sa dakbayan partikular na sa bukirang barangay sa dakbayan tungod sa mga alingogngog sa langas nga mamugna niini ilabi na ig tungtong sa kagabhiun.
Gani kagahapong adlawa sa Lunes, Disyembre 1, nagpahigayon si Arce og mga kaubanan niini og rekorida aron sa paghatag og pagpahibalo batok sa mga bora-bora nga mga tambutso.
Giklaro sab sa opisyal nga dili limitado sa bukirang barangay sa dakbayan ang ilang pagpatuman sa maong operasyon apan sa tibuok syudad sa Sugbo ug mihatag pa kini siya og lugway sa mga motorista sa pagtuman sa maong kamandoan.
