GREECE-Patay ang lima ka mga migrante samtang 40 ang gikataho nga gipangita pa sa mga awtoridad ug 39 niini ang naluwas human ang barko nga ilang gisakyan kay nalunod sa Crete, Greece.
Matud sa taho nga ang sakayan nalunod mga 12 nautical miles sa habagatan-kasadpan sa Crete, duol sa isla sa Gavdos.
Naghimo na og dakong operasyon ang coast guard sa Greece gamit ang mga barko ug eroplano ug gidala sa tambalanan ang ilang mga na-rescue.
Ang trahedya kabahin sa usa ka mas lapad nga pagtaas sa gidaghanon sa mga migrante nga nangabot sa Greece, nga misaka sa 25% karong tuiga, lakip ang 30% nga pagtaas sa mga nangabot sa mga isla sa habagatan-sidlakang Aegean.
Ingon man nga sa bag-ong natala kay ang susamang mga insidente kay lakip ang usa ka bangka nga nalunod sa ulahing bahin sa Nobyembre duol sa isla sa Samos, diin walo ka mga tawo ang namatay, lakip usab ang unom ka mga menor de edad.
Ang nagpadayon nga hagit sa mga ruta nga gigamit sa mga human trafficker nagpasiugda lamang sa kapeligrohan nga giatubang sa daghang mga migrante samtang sila naningkamot nga makaabot sa Europe.
