Ipaubos sa Bureau of Corrections (BuCor) ang death row inmate nga si Mary Jane Veloso sa lima ka adlaw nga quarantine period sa iyang pagbalik sa nasod.
Sa usa ka pahayag, gipasabot sa BuCor nga kabahin sa ilang protocol alang sa mga bag-ong persons deprived of liberty (PDL’s) nga mao ang pag-una kang Veloso sa Correctional Institution for Women sa Mandaluyong aron ipaubos sa quarantine.
Matod sa pamunuan sa BuCor, magpabilin si Veloso sa gi-designate nga isolation area alang sa medical observation diin ipahigayon usab ang medical ug physical examination kaniya aron masuta kon aduna ba siyay gibating sakit sa lawas o mental.
Human niini, makigtagbo si Veloso sa corrections supervisor isip kabahin sa proseso sa pagparehistro ug paghatag usab og contact information sa pamilya ug mga awtorisadong bisita nga makabisita lang kaniya.
Samtang, matapos ang quarantine ni Veloso sa Disyembre 24 diin mahimo na siyang bisitahon sa iyang pamilya.
