Giawhag ni Bise Presidente Sara Duterte ang mga Pilipino nga magtanyag og gugma sa usag usa karong panahon sa Pasko, ilabi na sa mga kabus ug masakiton, uban ang iyahang paghisgot bahin sa pagpasaylo ug pagrespito.
Matod ni Duterte, nga sa atung pagpamalandung sa kaugalingon sa diwa sa Pasko, kitang tanan gitawag nga magmapinasayloon, manggihatagon, ug mahigugmaon sa atong isig katawo.
Gidugang pa niini, nga ang pagkahimugso ni Hesus usa ka mensahe sa pagpasaylo nga nagpailalom sa dili hitupngan nga gugma sa Diyos alang sa tanan.
Hinungdan, nga atong gamiton ang iyang ehemplo isip inspirasyon sa interaksyon sa usag usa, ilabi na sa pamilya ug mga minahal sa kinabuhi.
Ang Bise Presidente midugang nga gawas sa materyal nga mga gasa, ang mga Pilipino kinahanglan usab nga mohatag og pagsabot sa usag usa.
