Nipadayag og paglaom ang National Food Authority nga mabalik ang pagsalig sa publiko ug makaserbisyo pa og mas daghang Pilipino samtang nagselebrar sa panahon sa Pasko.
Kabahin kini sa video message ni National Food Authority Administrator Larry Lacson diin nagtinguha kini nga ang NFA makatabang sa mga Filipino pinaagi sa paghatag og mas barato nga bugas.
Ubos sa gipatuman nga Rice Tariffication Law niadtong 2019, mipamenos sa function niini sa lokal nga pagpamalit og bugas alang sa bugtong katuyoan sa nasudnong rice buffer stocking alang sa mga kalamidad.
Gihatagan usab og gibug-aton ni Lacson ang kamahinungdanon sa pagtabang sa mga mag-uuma ug mga konsumidor pinaagi sa pagpabalik sa NFA rice retail sale.
Ingon man nga unang nanawagan si Agriculture Secretary Francisco Tiu Laurel Jr. alang sa pagpahiuli sa gahum sa NFA aron matabangan ang pag-regulate sa pagsulbong sa presyo sa retail sa bugas ug pagpamaligya og dugang sa mga konsumidor nga Pilipino.
