CEBU CITY-“Generally Peaceful”
Mao kini ang pamahayag ni Police Col. Antonietto Cañete, ang City Director sa Cebu City Police Office (CCPO) kabahin sa kalambuan sa seguridad sa tibuok dakbayan sa pagsugat sa Pasko karong tuiga.
Kini ang gibutyag sa opisyal sa eksklusibong pakighinabi sa Bombo Newsteam diin walay natalang dagkong krimen o hulga sa kaluwasan sa publiko ang namonitor sulod sa 11 ka mga city police stations sulod sa nakalabayng 7 ka adlaw.
Diin sa pagsugod sa Misa de Gallo o Simbang Gabi niadtong Disyembre 16 hangtod na sa bisperas sa Pasko sa Disyembre 24 sulod sa tibuok dakbayan sa Sugbo lakip na ang mga lugar kasuroyanan ug sa tanyag nga Colon Night Market kay nahimo ra kining malinawn gawas sa mga petty crimes nga dali rapud nasulbad sa mga kapulisan sa dakbayan.
Ingon man nga pabiling aktibo ang police visibility sa kapulisan sa kadalanan og pampublikong lugar sa dakbayan inubanan sa mga force multipliers nga mulangtod na sa pagsugat sa Bag-ong tuig inig Disyembre 31.
