CARCAR CITY- Gisabyagan og gasolina sa usa ka lalaki ang iyang 84-anyos nga ugangan sa panimalay niini sa Sitio Cambuntan, Barangay Bolinawan sa dakbayan sa Carcar sa habagatang Sugbo niadtong adlaw nga Dominggo, Enero 5, 2025.
Giila ang biktima nga si Lolita Lico-an, 84-anyos nga ginang ug lumulupyo sa maong dapit samgtang ang suspek sa pagpangsabyang niya kay ang iyang umaga nga giilang si Ignacio Brade Tribunalo, 55-anyos nga lumulupyo sa Panaghiusa Dos, Barangay Tunghaan sa lungsod sa Minglanilla.
Gikatahong nadawat sa mga kapulisan sa dakbayan sa Carcar ang maong kasayuran alas 3:45 sa hapon sa susamang adlaw diin daling nasuta nila og nadakop ang suspek sa insidente.
Sa ilang imbestigasyon, nasayran nga ang biktima nanglabada sa dihang kalit nga miabot ang suspek sa ilang dapit.
Nasayran nga nagbitbit og itom sa shoulder bag ang suspek diin adunay duha ka tumbler nga adunay sulod gasolina.
Sa pagbubo og gasoline sa suspek ngadto na sa biktima kay misuway pa kining dagkutan sa kalayo apan maayo nalang nga naluwas kini kay adunay mga nakabadlong nga silingan nga nagpakabana.
Nasuta nga lalis magpamilya ang rason apan wala kini na gidetalye ang hinungdan sa kasuko sa suspek nga nakapa-aghat sa iyang binuhatan.
Kasamtanang anaa na sa kustodiya sa kapulisan ang suspek samtang nagpaalim sa tambalanan ang tiguwang na nga biktima.
