Nangayo og hustisya ang pamilya sa usa ka Pinay nga babaye nga gipatay sa iyang Slovenian nga bana samtang sila nagbakasyon sa Bled, Slovenia niadtong Disyembre 29, 2024.
Kahinumduman nga napalgan ang lawas ni Marvil Facturan sa apartment nga giabangan nila sa iyang asawa nga puno sa mga samad dinunggaban.
Giila ang iyang bana nga si Mitja Kocjančič, nga mao ang prime suspek.
Ang inahan ni Marvil nga si Vilma Pila, nangayo og tabang aron mabalik sa Pilipinas ang patayng lawas sa iyang anak ug mahatagan og hustisya ang kamatayon niini.
Matud pa ni Vilma nga niadtong Pebrero sa miaging tuig, nahimamat sa iyang anak ang nabana sa social media ug human sa lima ka buwan, mianhi kini sa Pilipinas ug nagpakasal ang duha.
Gilayon nga nag-propose ang lalaki sa iyang anak niadtong Hulyo 15 ug niadtong Hulyo 29, gikasal ang duha sa Silang, Cavite.
Bisag wala silay nakitang negatibong pamatasan gikan sa Slovenian, giingnan kuno niya ang iyang anak nga bantayan pag-ayo ang kinaiya.
Apelar sa inahan sa gobyerno ang pagtabang nila nga matan-aw ang patayng lawas ni Marvil ug mahibal-an kung unsa gayud ang nahitabo, ingon man hatagan sila og hustisya.
