Giaprobahan sa gobyerno sa Israel ang ilang ceasefire ug hostage release deal sa Hamas sa Gaza.
Naghatag kini og dalan aron hingpit nga epektibo ang kasabutan karong adlawa, Enero 19.
Diin ang desisyon gihimo human sa pipila ka oras nga diskusyon nga milungtad niadtong Biyernes sa gabii.
Ingon man nga naaprobahan gihapon kini bisan sa duha ka far-right ministers ang misupak sa kasabutan.
Ang kabinete sa Israeli Security kaniadto nagrekomenda sa ratipikasyon sa kasabutan ug miingon nga gisuportahan nila ang pagkab-ot sa mga katuyoan sa gubat, basu usab sa usa ka pahayag gikan sa opisina ni Prime Minister Benjamin Netanyahu.
Ubos sa kasabutan sa ceasefire, 33 ka mga Israeli nga gihuptan sa Hamas ang buhian baylo sa gatusan ka mga piniriso nga Palestinian sa mga prisohan sa Israel alang sa unang hugna sa kasabutan, nga molungtad sa 6 ka semana.
I-withdraw usab sa Israel ang mga tropa niini gikan sa Gaza ug tugotan ang mga Palestinian nga makabalik sa ilang mga balay ug tugotan ang gatusan nga mga hinabang nmatag adlaw sa Gaza.
Ang mga negosasyon alang sa ikaduhang hugna magsugod sa ika-16 nga adlaw sa ceasefire, nga gilauman nga moresulta sa hingpit nga pag-atras sa mga tropa sa Israel ug ang pagpahiuli sa kahusay.
