Gikataho nga nangandam na ang North Korea sa pagpadala og dugang nga mga tropa sa Russia human ang gidaghanon niini nahurot sa mga gubat sa Ukraine ug Russia.
Sumala sa pamahayag sa South Korea, nangandam usab ang North Korea sa pagpahigayon og test-fire sa ilang intercontinental ballistic missile hangtod nga makaabot kini sa Estados Unidos, nga giingon sa pipila ka mga eksperto nga dili mahimo sa lider sa North Korea nga si Kim Jong Un mosamot ang iyang relasyon kang US President Donald Trump.
Apan, gikataho nga nakita usab ni Kim Jong Un nga mas mapalig-on pa niya ang nuclear program sa North Korea kung makigkooperar siya sa Presidente sa Russia nga si Vladimir Putin, kung itandi sa gihisgutan nila ni Trump sa 2018-2019 summit.
Kahinumdoman nga ang North Korea maoy usa sa nag-unang tigpaluyo sa Russia kay nagpadala og artillery ug uban pang naandang armas, apil na ang deployment sa 12,000 ka North Korean nga mga sundalo, ug daw bugti sa Russia nga naghatag kanila og mga innovative equipment nga makapalambo sa North Korea sa paghimo og nuclear weapon.
Samtang, ang spy agency sa South Korea miingon sa miaging semana nga gibanabana nga 300 ka mga sundalo sa North Korea ang namatay ug kapin sa 2,700 ang nasamdan.
Sukwahi sa sayong bahin sa Enero, human gikumpirmar ni Ukrainian President Volodymyr Zelenskyy nga ang gidaghanon sa mga sundalo sa North Korea nga namatay ug nasamdan.
Samtang mas ubos ang banabana sa Estados Unidos, nga nag-angkon nga 1,200 lamang ka sundalo sa North Korea ang napatay.
