Gibawi ni Paris Olympics 2024 bronze medalist Nesthy Petecio ang iyang pamahayag nga dili siya mosalmot sa 2028 Los Angeles Olympics.
Matod sa 32-anyos nga boksidor nga tungod kay napakyas siya sa paglangkat sa bulawang medalya sa Paris Olympics, daw nawad-an kini og gana hinungdan nga nakaingon siya nga ang 2024 Olympics ang iyang ulahing salmutan.
Gikataho nga gidasig siya sa pipila ka kaubang mga boksidor ug nakakita og senyales, mao nga iyang gipadaplin ang iyang desisyon nga dili makigsangka sa 2028 Olympics.
Dugang pa niya nga mosuway siya og laing Olympics sa Los Angeles kon makadaog ba siya og gold medal.
Ingon man nga ang iyang atensyon karon kay nasentro sa pag-indigay sa 2025 World Boxing Championships sa Liverpool, England karong Setyembre.
