CEBU CITY-Patukuran og libreng Wi-Fi services sa kagamhanang dakbayan sa Sugbo ang mga pampublikong tunghaan niini isip kabahin sa inisyatibang mahimong “Smart City” ang syudad.
Kini ang gibutyag ni Cebu City Councilor Jaypee Labella, ang Chairman sa Committee on Information ug Communications Technology sa konseho sa dakbayan sa Sugo diin hilabihang makabenepisyo kini sa pag-eskwela sa mga kabatan-onan sa pagkab-ot og kasayuran pinaagi sa internet.
Lakip sab sa mga tukuran amg mga nagkadaiyang sab nga pampublikong kasuyuran sa dakbayan aron maka-ingganyo sa mga turista nga mubisita.
Dugang sa konsehal nga dili mominos sa 26 ka mga pampublikong tunghaan sa dakbayan ang dalitan niining serbisyo susama sa natukod sa Plaza Sugbo ug Plaza Independencia.
Gani kagahapong adlawa sa Lunes, Pebrero 3 kay nagpahigayon sila og speed testing sa bandwidth o kapaspason sa internet sa Plaza Independencia aron makapasar sa kalidad nga gamiton sa publiko.
Ang buhatan sa Department of Information and Communications Technology (DICT) ang naghatag sa Cebu City Government sa koneksyon sa internet sa maong mga lugar diin ang mga access points nga mubalo sa kaping P4-milyones para lang na sa Plaza Sugbo ug Plaza Independecia.
