Milagda ang Pilipinas ug Cambodia og walo ka mga kasabotan aron sa pagpalig-on sa relasyon sa pamatigayon, agrikultura, edukasyon, turismo, ug teknolohiya, dungan sa bilateral meeting tali ni Presidente Ferdinand R. Marcos Jr. ug Prime Minister Hun Manet sa Malacañang.
Ang mga kasabutan naglakip sa pagwagtang sa double taxation aron mapagaan ang palas-anon sa mga tigpamuhunan, ingon man pagpalig-on sa kompetisyon sa negosyo ug pagbayloay og kahibalo sa pagpasiugda sa pamuhunan.
Usa ka memorandum of understanding (MOU) sa Agrikultura ug Agribusiness ang gilagdaan usab aron mapaayo ang mga plano sa agrikultura ug mapalig-on ang internasyonal nga pamatigayon sa sektor.
Gipalig-on usab ang Technical Vocational Education and Training (TVET), turismo (2024-2028), ug digital transformation sa gobyerno, nga makapadali sa pagbayloay sa kahibalo ug teknolohiya.
Gawas niini, gilagdaan usab ang memorandum of understanding (MOU) sa Protection of Cultural Heritage batok sa kawat ug illegal nga pagpamaligya.
Gipadayag ni Marcos ang pagsalig nga kini nga mga kasabutan moresulta sa mas lig-on nga relasyon ug daghang mga oportunidad alang sa duha ka mga nasud.
