Gigukod na karon sa National Bureau of Investigation (NBI) ang uyab ni disc jockey ug influencer nga si Jellie Aw nga si Jam Ignacio nga kalabot sa mga alegasyon sa pagpangabuso, matod sa pahayag ni NBI chief Jaime Santiago niadtong Biyernes, Pebrero 14.
Sa press conference, gipahibalo ni Director Santiago nga gitutokan sa NBI ang pagpangita sa suspek.
Pasalig sa opisyal nga posibling sulod lang sa usa ka adlaw kay matultolan na nila ang suspek.
Karong bag-o lang nga nag-viral ang hulagway ni Jellie Aw diin makit-an kini nga nagkadugo ug adunay mga bun-og sa nawong human sa insidente sa pagkulata.
Dugang pa ni Santiago nga ang mga biktima sa pag-abuso kay kinahanglan musumbong ayn sa higayng nadapatan na aron dili kini mahimong balik-balik nga batasan sa mga abusadong kapares sa relasyon.
Dugang pa sa NBI Chief nga dili lang physical harm ang angay isipon nga abuso kon dili apil na ang verbal abuse.
Ang NBI nagpadayon sa ilang paningkamot sa pagpangita sa uyab ni Jellie Aw samtang nagpadayon ang imbestigasyon sa insidente.
