Gikatakda nga i-repatriate sa Pilipinas sunod semana ang namatay nga police officer nga si Philippine National Police Director for Logistics Colonel Pergentino “Bong” Malabed sa US mid-air collision.
Gikatakdang mobalik sa Amerika ang asawa ni Col. Malabed nga si Rio aron sa pagdala sa mga personal nga gamit ug uniporme sa namatay nga police official.
Gipaambit usab ni Rio ang mga detalye alang sa viewing sa haya sa mitaliwan nga pulis diin ipahigayon sa Philippine National Police Mortuary sa Camp Crame gikan sa Pebrero 21 hangtod sa Pebrero 23.
Gikatakdang ibalhin usab ang patayng lawas ni Col. Malabed sa Manila Memorial Park, Manila South Road, Barangay Dita, Santa Rosa City, Laguna, sa umaabot nga Pebrero 24.
Samtang ang cremation gikatakda sa Pebrero 25 ug ang lubong ipahigayon sa Pebrero 27 sa alas 4:00 sa hapon.
