Gipahimangnoan sa Bureau of Immigration ang publiko bahin sa pagdagsang sa POGO-like scam hubs sa nasud.
Matod sa ahensya, kasagarang mga Filipino ang gipuntirya niini.
Sa usa ka pamahayag, si BI Commissioner Joel Anthony Viado niingon nga makaalarma ang halos kada adlaw nga pagbabag sa mga Pinoy sa airport.
Kini human madani sa pekeng job offer sa social media nga nagtanyag og maayong trabaho ug taas nga suweldo matag buwan.
Basi sa datus, moabot sa 118 ka mga Pinoy ang nasakpang nalambigit sa maong matang sa online scamming schemes sa nasod.
Kung kahinumdoman, moabot ngadto sa 12 ka mga Pinoy gikan sa Myanmar ang gipapauli sa nasod human nituo sa ilang mga illegal recruiter.
Diin silang tanan napugos sa pagtrabaho isip online scammers ug nakasinati usab og pag-abuso.
Nasinati usab nila ang taas nga oras sa pagtrabaho nga wala’y sweldo.
Kalabot niini, giawhag sa ahensya ang publiko nga i-report dayon sa Inter-Agency Council Against Trafficking ang bisan unsang kadudahang recruitment activities nga ilang makita sa ilang lugar o sa social media.
